Maleeshiyaadka Argagixisada ah ee Al-Shabaab ayaa deegaan hoos taga degmada Balcad ee Gobalka Shabeellaha Dhexe waxay ku dileen Nabadoon si wayn looga yaqaanay Gobalkaas.
Nabadoon Abshir Nuur Xuseen oo 93-sano jir ahaa, ayaa maleeshiyada Al-Shabaab ay ku dileen meel fagaaro ah iyagoo kaga been abuurtay inuu ka baxay Diinta Islaamka.
Maxamed Foolay oo ka mid ah Ehelka Nabadoonka ayaa Radio Muqdisho u sheegay in Nadoon Abshir Saddexdii bil ee ugu danbaysay uu u xirnaa maleeshiyadaan, ugu danbayntiina ay toogteen.
HALKAAN KA DHAGEYSO
Argagixisadda Al-Shabaab ayaa ku caanbaxay ficillada nuucaan ah oo ka soo horjeeda diinta islaamka, waxaana horay ay u dileen dad badan oo birmagaydo ah oo ay ka midyihiin hooyooyin, caruur culumo u diin.
