Kooxda Arsenal ayaa kooxda Villarreal ee ka ciyaarta horyaalka Spain kala soo wareegtay ciyaaryahan Gabriel Paulista oo daafaca dhexe ka ciyaara,iyadoo dhanka kooxda Villarreal uu inta ka dhiman xili ciyaareedkan uu u ciyaari doono ciyaaryahan Joel Campbell oo weerarka ka ciyaara.
Ciyaaryahan Paulista oo 24-jir ah una dhashay dalka Brazil ayaa kooxda Arsenal ugu soo wareegay lacag dhan £11.2million,waxana la siiyay ogolaasho ah in uu ka ciyaari karo dalka ingiriiska.
Kooxda Arsenal ayaa xaqiijisay in ciyaaryahan Campbell oo 22-jir ah uu inta ka dhiman xili ciyaareedkan si amaah ah ugu ciyaari doono kooxda Villarreal,laakin waxaa la ogaaday in ciyaaryahan Campbell uu saxiixay qandaraas uu mudo dheer kula joogayo kooxda Arsenal,ka hor intii uusan ku biirin kooxda ka ciyaarta dalka Spain.
