Taliyaha Ciidanka Booliska Soomaaliyeed Sarreeye gaas Bashiir Cabdi Maxamed ayaa sheegay Ciidamada ammaanka in gacanta ay kusoo dhigeen Afar qof oo u eedeysan dilka Deeqo Daahir Cali oo aheyd Ardayad sagaalsano jir ah, islamarkaana dhiganeysay Iskuulka Hoyga Xamar ee magaaladda Muqdisho.
Taliyaha ayaa tilmaamay in shaqsiyaadkaan ku eedeysan dilka Deeqo baaris lagu sameynayo si Maxkamad loo soo taago, lagana abaal marin doono dambiga ay geeysteen, isaggoo carabaabay in marnaba aysan oggolaan doonin in lagu xad gudbo Muwaadiniinta Soomaaliyeed.
Sareeyo Gaas Bashiir Cabdi Maxamed Taliyaha Ciidanka Booliska, ayaa sidoo kale sheegay inay dhammaatay in shacabka la dilo, lagana cararo, waxaana uu xusay in dhowaan Maxkamadda ay ku hubsan doonaan eedeesanayaashan.
“Shalay maanta maahan, Waxbaan dilayaa waan cararayaa ma soconeyso, waxaan soo qabanay Afar qof oo ku eedeysan dambigaasi, waxaana dooneynaa in aan maxkamad hortaagno, marnaba uma dulqaadaneyno in qori lagu gaday canshuurta Shacabka lagu laayo Ummadda Soomaaliyeed, Insha allah kuwii falkaan geeystay waa laga jeeseynayaa dambiga ay galeyn” ayuu yiri Gen. Bashiir
Halkan ka dhageyso shirka Jaraa’id oo dhameystiran.
