Axmed Cali Xaashi ayaa loo doortay Guddoomiyaha Baarlamaanka Puntland, kadib markii uu ku guuleystay doorashadii maanta ka dhacday magaalada Garowe ee xarunta gobolka Nugaal, kaasoo ay ku tartamayeen illaa saddex musharax.
Wareega kowaad ayaa waxaa ku tartamayay ilaa iyo saddex musharax kuwaasi oo kala ah Axmed Cali Xaashi, Cabdixakiin Maxamed Axmed iyo Saciid Samatar, waxaana wareegii kowaad ay codadka u kala heleen sidan
Axmed Cali Xaashi oo helay 40 cod, Cabdixakiin Maxamed Axmed oo helay 19 cod iyo Saciid Samatar surcad oo isna helay 3 cod.
Axmed Cali Xaashi ayaa helay 41 cod wareegii labaad, halka musharaxii kale ee tartamayay uu isna helay Cabdixakiin Maxamed Axmed uu isna helay 22 cod, sidaasina waxa uu Axmed Cali Xaashi ku noqday Guddoomiyaha cusub ee Baarlamaanka Puntland, sida uu shaaciyay Guddoomiye ku-xigeenka baarlamaanka Puntland Cabdixamiid Sheekh Cabdisalaan.
Musharaxa laga guuleystay Cabdixakiin Maxamed Axmed ayaa ugu hambalyeeyay Guddoomiyaha cusub ee la doortay, waxaana uu xusay inuu ku faraxsan yahay habka ay u dhacday doorashada.
Waxaa uu noqonayaa Guddoomiyihii labaad ee Baarlamaanka Puntland, kadib markii 28-kii October uu Xilka Guddoomiyihii Baarlamaanka iska casilay Saciid Xasan Shire.
