Kulanka ay maanta yeesheen Baarlamaanka dawlad goboleedka Galmudug oo ay soo xaadireen ilaa 46-Xildhibaan ayaa waxaa shirgodoominayay guddoomiyaha Baarlamanka Galmudug Cali Gacal Casir, iyadoo baarlamanku uu maanta ansixiyay xeerhoosaadkooda oo dhawrkii maalmood ee la soo dhaafay ay ka doodayeen.
Gudoomiyaha Baarlamanka Galmudug ayaa dhammaadkii kulanka ka hadlay natiijada ka soo baxday.
“Qabyo qoraalkii xeerhoosaadkii ayaan maanta ka doodnay, dood badan kaddib si gacantaag ah ayay ku ansixiyeen, qodobo aan ka saxnay ka dib, xeerhoosaadku waa kii ay isku maamulayeen Baarlamaanku, isaguma ma qilaafsana Dastuurka, gudigii anshaxa ayaa ku jira, gudigii anshaxa ayaa ku jira, gudigii Dastuurka ayaa ku jira, anshaxa iyo xasaanadda Baarlamanka ayaa sidoo kale ka mid ah” ayuu yiri gudoomiye Gacal
Guddoomiye Cali Gacal ayaa sidoo kale Xildhibaanada kalfadhigan ka maqan ugu baaqay inay yimaadaan si waajibaadkooda u gutaan.
Maalmo ka hor ayay ahayd markii Baarlamaanka Galmudug ay ansixiyeen Dastuurka, kaas oo horay ay u meelmariyeen Ergo laga soo xulay labada gobol ee Mudug iyo Galgaduud.
