Mudanayaasha Baarlamaanka Federaalka ah ee Soomaaliya oo kulan uga socda xarunta Golaha Shacabka ayaa waxaa u soo gabo gabowday khudbadihii ay jeenayeen qaar ka mid ah xildhibaannada ee ku saabsanaa doodda mooshinka.
Xildhibaanada is qoray ee ka hadlayay doodda oo tiradoodu gaarasay 87 mudane oo qaarkood ay khudbadahooda jeediyeen khamiistii ayaa maanta kuwii u harsanaa soo gabo gabeeyeen, waxaana iminka la isu diyaarinayaa in cod la geliyo mooshinka.
Kulanka Baarlamaanka ee maanta oo uu shir guddoominayo Afhayeenka Baarlamaanka mudane Maxamed Sheekh Cismaan “Jawaari” ayaa la filayaa in uu ku dhawaaqo natiijada marka ay codka u qaadaan mooshinka laga keenay Xukuumadda Ra’iisul wasaare Cabdiweli, waxaana ay tani soo afmeeri doontaa mooshin muddo soo jiitamayay.
Howlwadeenada baarlamaanka ayaa la dhaariyay si aysan tirada codeynta waxna ugu darin, waxna uga dhimin.
Wixii ku soo kordha waan idin la socodsiin doonnaa hadduu Alle idmo.
