Kulankaan oo lagu qabtay Magaalada Muqdisho ayaa ahaa mid lagu soo dhaweynayay Golaha Cusub ee wasiiradda uu soo dhisay Ra’iisul Wasaare Cumar Cabdi Rashiid Cali Sharma’arke isla markaana waxaa Baarlamaanka looga Codsaday in ay Kalsooni siiyaan Xukuumada Cusub si ay Howlaha adag ee horyaala u guda galaan.
Kulanka ayaa waxaa ka qayb galay qaybaha kala duwan ee Bulshada Mas’uuliyiin, aqoonyahanno, siyaasiin Xildhibaano hore iyo marti sharaf kale, iyagoo ku baaqay in dib loo soocelin Khilaaf isla markaana Xildhibaanada golaha shacabka iyo qaybaha bulshada ay ka fikiraan Danta Guud ee Qaranka.
waxaa saacadihii la soo dhaafay soo badanayey taageerada loo muujinayo Golaha Cusub ee Wasiirada uu soo magacaabay wasiirka koowaad ee dalka mudane Cumar Cabdirashiid Cali Sharma’arke taasi oo muujinaysa sida dadka Soomaaliyeed ay ugu Hanweyihiin Hiigsiga Sanadka 2016’ka, oo Soomaaliya la filayo in ay ka dhacdo Doorasho qof iyo cod ah.
