Mudaneyaasha baarlamaanka Federaalka ah ee Soomaaliya ayaa maanta kulan ay ku yeelanayaan xarunta golaha shacabka kaga hadli doono cod u qaadidda hindise sharciyeedka doorashooyinka.
Xildhibaan Maxamed Cumar oo ka mid ah mudanayaasha baarlamaanka, oo la hadlay Radio Muqdisho ayaa sheegay in ajandaha maanta uu yahay u codeynta dhismaha guddiga doorashooyinka Madaxa banaan.
“Maanta oo Arbaco ah waxaa jira kulanka baarlamaanka, haddii aan u sii guda galo ajandaha waxa uu yahay u codeynta hindise shaciyeedka doorashooyinka, sida aad ka warqabtaan kulankii 32aad ee baarlamaanka ee qabsoomay 28-kii Janaayo waxaa la soo gabo gabeeyay akhrinta saddexaad ee dhismaha doorashooyinka Madaxa banaan, marka maanta iyaga ayaa loo codeynayaa” ayuu yiri Xildhibaanka.
