Mudaneyaasha baarlamaanka federaalka Soomaaliya oo maanta ku shiraya xarunta golaha shacbiga ayaa la filayaa inay hor yimaadaan wasiirka amniga gudaha Taliyaha Nabad Sugidda iyo kan Booliska si su’aalo looga weydiiyo xaaladaha amniga dalka.
Hab-dhowraha baarlamaanka federaalka Soomaaliya Maxamed Cumar Maxamuud oo la hadlay Radio Muqdisho ayaa sheegay in xildhibaannada ay horay u dalbadeen Mas’uuliyiintan iney horyimaadaan balse ay dhicin maantana la filayo inay baarlamaanka hor- imaadaan.
20-kii bishii tagtay ayey xildhibaannada Baarlamaanka dalbadeen inay horyimaadaan mas’uuliyiintan balse suurta gal ma noqon iyadoo Baarlamaanka Soomaaliya uu horyaallo mooshin la xiriira Amniga.
