Golaha wakiilada puntland, ayaa fadhigoodii 30aad ee kalfadhiga 50aad maanta la horkeenay mudanayaashana, lala wadaagay warqad codsi ah oo ka timid, Madaxweynaha Dowlad Gobaleedka Puntland Siciid Cabdulhi Dani ku codsanayey iibka dhulka dawladda hoose ee dagmada Garoowe, kaas oo cabirkiisu dhan yahay 30×90.
Laguna iibiyo tartan furan sida uu qabo Dastuurka Puntland qodobkiisa 52aad farqadiisa 3aad, waxaa cod gacan-taag ah ugu codeeyay oggol 5 xildhibaan, diidmo 27, aamus 11, golaha wakiillada, ayaana sidaa ku diiday iibka dhulka dawladda hoose ee Garoowe.
Fadhiga maanta ee Baarlamaanka Puntland. waxaa markii ugu horraysay ka soo qeyb-galay arday ka soctay 15 dugsi oo ku yaal guud ahaan goboladda puntland si ay wax uga oggaadan shaqooyinka golaha wakiillada puntland iyo qaabka ay u shaqeeyaan.
