Mudanayaasha Baarlamaanka Puntland oo ku guda jira kal fadhigoodii 52-aad ayaa maanta yeeshay fadhigoodii 10-aad ee kalfadhiga waxaana shir Guddoominayay Guddoominayaha Baarlamaanka Puntland Cabdirashiid Yuusuf Jabriil oo ay weheliyaan labadisa ku xigeen.
Ajandaha fadbiga maanta ayaa ahaa Qaybinta Xisaab Xirka Miisaaniyadda Puntland ee Sanadka 2022kii oo ay Golaha Wakiilada Puntland u soo Gudbisay Wasaarada Maaliyadda Puntland sida ay qabaan qodobada 64-aad iyo 137-aad ee Dastuurka Maamulka Puntland.
Wasiirka Maaliyada Puntland Maxamed Cabdiraxmaan Dhabancad oo Mudanayaasha Baarlamaanka Puntland ka hor jeediyay khudbad dheerayd oo ku saabsanayd xisaab xirka Miisaaniyada sanadii aynu soo dhaafnay ayaa cadeeyay in uu jiray is dhin Miisaaniyadeed oo gaaraya 12% Filashadii hore ee Miisaaniyadii sanadii 2022kii .
Gabagabadii Guddoomiyaha Baarlamaanka Puntland Cabdirashiid ayaa xisaab xirka Miisaaniyadda ku wareejiyay Guddi Hoosaadka arimaha Dhaqaalaha ee Baarlamaanka dowlad goboleedka Puntland oo 5 Bari kadib ku soo celin doona Mudanayaasha Baarlamaanka Puntland.
