Baarlamaanka Federaalka ayaa maanta kulan ku leh Xarunta Golaha Shacabka ee Magaalada Muqdisho, kaasi oo Warbixin ku saabsan sharciga Isgaarsiinta looga dhageysanayo Guddiga Warfaafinta Barlamanka Dalka.
Habdhowraha Baarlamaanka Soomaaliya Xildhibaan Maxamed Cumar Maxamuud oo la hadlay Radio Muqdisho ayaa sheegay in kulanka maanta ee Xildhibaannada Soomaaliya ay uga doodi doonaan sharciga Isgaarsiinta Qaranka kaa soo Warbixintiisa Baarlamaanka uu ka hor Aqrin doono Guddiga warfafinta.
“ Warbixintii Hindise Sharciyeedka Isgaarsiinta Qaranka Golaha wa dhamaysteen, Waxaa maanta fursad loo siiyay Xildhibaannada inay ka doodaan si loo Ansixiyo” Ayuu yiri Xildhibaan Maxamed Cumar.
Dhanka kale Habdhowraha Baarlamaanka Soomaaliya Xildhibaan Maxamed Cumar Maxamuud ayaa ka hadlay sharciyada kale ee uu Baarlamaanku Ka doodi Doono muddooyinka soo socda
“Sida Aad ka warqabto Habraaca Hindise Sharciyeedyada waxa ay maran Aqrinta koowaad labaad iyo Aqrinta Sadaxaad, Hindise sharciyeedka ku saabsan Xagga Saxaafadda, waxaa loo gudbiyay Guddiga Warfaafinta uu Guddoomiyaha ka Yahay Xildhibaan Cabdi Xaashi, waxa uu kujiraa isku dubaridkii maanta Golaha shacabka ayaa loo Aqrin doonaa waxa uuna mari doonaa habraacii loo baahnaa” Ayuu yiri Markale Xildhibaan Maxamed Cumar.
