Bahda Caafimaadka oo ay Hormuud u aheyd Wasiirka Caafimaadka Soomaaliya Dr Fawziya Abiikar Nuur, islamarkaana ay wehlinayeen Xildhibaanno, Qaar kamid ah Agaasimayaasha xarumaha Caafimaadka ee Muqdisho, iyo mas’uuliyiin kale oo ka tirsan Gobalka Banaadir iyo Dowladda Soomaaliya ayaa garoonka Diyaaradaha Aaden Cadde kusoo dhaweeyay Agaasimaha Guud ee Isbitaalka Martiine Dr. Cabdirisaaq Yuusuf Axmed, Jalaaludiin.
Dr-Jalaaludiin ayaa waxa uu muddo 4-bilood ah ku maqnaa dalka dibaddiisa, halkaas oo uu ku galay xaalad Caafimaad kadib markii uu mid kamid ah Kelyihiisii ugu deeqay walaakiisa, wuxuuna isla maantaba booqday Isbitaalka Martiine, halkaasi oo ay ku soo dhaweeyeen Dhakhaatiirta safka hore kaga jira dagaalka Coronavirus.
