Barcelona oo Ka Badisay Manchester City iyo Juventus oo Ka Adkaatay Dortmund ”SAWIRRO”

Kooxda Manchester City ayaa lugtii koowaad ee koobka Champions League-ga waxaa garoonkeeda Etihad Stadium 1-2 uga badiyay kooxda Barcelona.

Ciyaaryahan Luis Suarez ayaa qeybtii hore ee ciyaarta labo gool u dhaliyay kooxda Barcelona,sidasi ayaana lagu kala nastay qeybtii hore ee ciyaarta.

Related posts

Madaxweyne ku-xigeenka Galmudug oo daahfuray koobka degmooyinka Galmudug “SAWIRRO”

June 5, 2023

Cayaartooyda Xulka Qaranka Dalkeenna oo baaritaan lagu xaqiijinayo da’dooda ku maraya Ethiopia

April 14, 2023

Ciyaaryahan Sergio Aguero ayaa daqiiqadii 69-aad ee ciyaarta gool u dhaliyay kooxda Manchester City.



Garsoorihii ciyaarta Felix Brych ayaa kaarka casaanka ah u taagay ciyaaryahan Gael Clichy oo garabka bixid ee daafaca uga ciyaarayay kooxda Manchester City.

Gool-haye Joe Hart ayaa dhamaadkii ciyaarta rigoore ka qabtay ciyaaryahan Lionel Messi.

Kooxda Juventus ayaa lugtii koowaad ee koobka Champions League-ga garoonkeeda Juventus Stadium 2-1 uga badisay kooxda Borussia Dortmund.

Kooxda Juventus ayaa goolka la hor martay,waxaana daqiiqadii 13-aad ee ciyaarta u dhaliyay ciyaaryahan Carlos Tevez.

Ciyaaryahan Marco Reus ayaa daqiiqadii 18-aad ee ciyaarta goolka bareejada u dhaliyay kooxda Borussia Dortmund.

Ciyaaryahan Alvaro Morata ayaa dhamaadkii qeybtii hore ee ciyaarta goolka labaad u dhaliyay kooxda Juventus,sidasi ayaana lagu kala nastay qeybtii hore ee ciyaarta.

Habeen danbe waxaa la ciyaari doonaa labo kulan oo ka tirsan wareega labaad ee koobka Champions League-ga.

Kooxda Arsenal ayaa garoonkeeda Emirates Stadium ku soo dhaweyneyso kooxda Monaco.

Kooxda Bayer Leverkusen ayaa sidoo kale garoonkeeda BayArena kula ciyaari doonto Atletico Madrid.