Kooxda Real Sociedad ayaa garoonkeeda Anoeta 1-0 uga badisay kooxda Barcelona oo caawo ka faa’ideysan waaysay guul darradii ay kooxda Valencia dusha ka saartay kooxda Real Madrid.
Tababaraha kooxda Barcelona Luis Enrique ayaa kursiga keydka ku soo bilaabay Lionel Messi, Neymar iyo Gerard Pique.
Ciyaaryahan Jordi Alba oo daafaca uga ciyaara kooxda Barcelona ayaa daqiiqadii labaad ee ciyaarta goolka ka dhaliyay kooxdiisa,waxaana goolkaasi uu noqday goolkii guusha u hor seeday kooxda Real Sociedad.
Kooxda Real Sociedad oo uu hogaamiyo macalin David Moyes ayaa iska difaacday weerar culus oo uga imaanayay ciyaartoyda kooxda Barcelona.
Kooxda Barcelona ayaa hadii ay caawo badin lahayd waxa ay qaban lahayd hogaanka horyaalka Spain ee La Liga,lakin hada waxa ay ku jirtaa kaalinta labaad,iyadoo leh 38-dhibcood.
Kooxda Real Sociedad ayaa horyaalka Spain uga jirto kaalinta 13-aad,waxana ay leedahay 18-dhibcood.
