Kooxda Barcelona ayaa lugtii koowaad ee Semi-finalka koobka Copa Del Rey waxa ay garoonkeeda Camp Nou 3-1 uga badisay kooxda Villarreal.
Kooxda Barcelona ayaa goolka la hor martay,waxaana dhamaadkii qeybtii hore ee ciyaarta u dhaliyay ciyaaryahan Lionel Messi,sidasi ayaana lagu kala nastay qeybtii hore ee ciyaarta.
Ciyaaryahan Manuel Trigueros ayaa bilowgii qeybtii labaad ee ciyaarta gool bareejo ah u dhaliyay kooxda Villarreal.
Kooxda Barcelona ayaa mar kale hogaanka ciyaarta qabatay,waxaana daqiiqadii 50-aad ee ciyaarta gool labaad u dhaliyay ciyaaryahan Andres Iniesta.
Ciyaaryahan Gerard Pique oo bedel ku galay ciyaarta ayaa daqiiqadii 64-aad ee ciyaarta goolka sedaxaad u dhaliyay kooxda Barcelona.
Ciyaaryahan Neymar ayaa kooxda Barcelna ka qasaariyay rigoore loo dhigay.
Labadan kooxood ayaa todobaadka soo socda lugta labaad ee koobka Copa Del Rey ku wada ciyaari doono garoonka kooxda Villarreal Estadio El Madrigal.
