Soomaalida degan maggaalada Minneapolis, ayaa maanta si weyn ugu ciidday Magaaladaasi oo noqotey hoyga QurboJoogta Soomaalida, gaar ahaan racii ugu horeeyey ee ka soo qaxay Soomaaliya sanadkii 1990kii, iyadoo ay Soomaalida si wayn uga muuqdaan madaama ay degan yihiin dad lagu qiyaaso ilaa 30.000 oo qof.
Si kastaba ha ahaatee, waqooyi bari Minneapolis, ayaa lagu naanaysaa ‘DHULKII ILAAHAY’ madaama ay ka dhisan yihiin kaniisado kor u dhaafay ilaa 20 kaniisadood, bogcada ay ku yaalaan ay si aada isugu dhow yihiin, iyaga oo inta badan la dhisay intii ka danbaysay 1900kii. Waxaase qadar ALLAH noqotey in maanta xaafadaas uu camiro masaajidadda ILAAHAY, kuwaas oo hada gaaraya ilaa 4 MASAAJID iyo 4 dugsi QUR’AAN.
Sida uu ii sheegay nin u dhashay dalka Maraykanka, oo islaamay intii aysan Soomalida soo degin magaalada, in magaaladu lahayd hal masaajid iyo meelo kooban oo ay dad yari isugu imaan jireen, is ay ugu tukadaan. Waxuu intaa ku daray in maanta magaalada dhinaceeda bari, galbeed, waqooyi iyo koonfurteedaba, laga heli kari masaajid, taasna ay tahay mid lagu amaano, ajarkeeda ay leedahay QurboJoogta Soomaaliyeed.
Xafadaan oo ay degan yihiin dad aad u badan, kana soo guuray xaafada caanka ee Soomaalidu ku badan tahay, ee loo yaqaan ‘CEDAR RIVERSIDE’ iyo kuwo kasoo guuraya suuqa wayn ee Soomaalida, ee loo yaqaan ‘KARMEL MALL’. Hadaba intii aan sawirada qaadaayey ayaa waxaan halkaa ku arkay jilaagii FILIMKA ‘Captain Philips’ Barkhad Abdi oo ay tahay markii labaad oo halkaa ku arko, isaga oo la tukanaaya muslimiinta xaafada degan, gaar ahaan Soomaalidu bandan tahay, iyada oo laga yaabo in uu degan yahay xaafada madaama ay tahay markii labaad ee aan ciida isla tukano.
Tirada dadka muslimiinta degan waqooyi bari ee magaalada Minneapolis oo soo badanaysa awgeed, ayaa waxaa lagu ciiday sadex meelood oo kala duwan, oo ay intaba dadka meelahaas camiray ay u badan yihiin Soomaalida degan xaafada.
