Mudaneyaasha Barlamaanka Federaalka Soomaaliya, ayaa ka doodaya codsi uu u soo gudbiyey Ra’iisul wasaaraha Xukuumadda Somalia oo ku aaddan in dib loogu dhigo xiliga la horgeynayo golaha wasiirrada Barlamaanka.
Kulanka Mudaneyaasha Barlamaanka Somalia oo uu shir guddoonka ka yahay Afhayeenka Barlamaanka Federaalka Somalia, Mudane Maxamed Sheekh Cismaan “Jawaari”, ayaa waxaa Codsiga Barlamaanka u Akhriyey guddoonka kaas oo ah in Ra’iisul wasaaraha Somalia oo codsanayo in dib loo dhigo waqtiga Barlamaanka golaha wasiirrada cusub la keeni lahaa oo ku aaddan 17-bishan, hasa yeeshee Ra’iisul wasaaruhu uu codsadey in 22-ka bishan loo gaarsiiyo waqtiga hor geynta Barlamaanka.
Akhrinta guddoonka ee codsiga Ra’iisul wasaaraha kaddib ayaa mudaneyaasha Barlamaanka waxa ay kala dooranayaan in ay tixgeliyaan codsiga Ra’iisul wasaaraha iyo in go’aanka maalinta sabtiga lagu adkeysto si golaha wasiirrada codka Kalsoonid loogu qaadayo, Mudaneyaasha ayaana ka doodaya arrintaasi, si ay go’aan kama dambeyn ah laga gaaro arrintaan.
