Barlamaanka Somalia oo u codeeyey in sabtiga golaha wasiirrada la horkeeno

Mudaneyaasha Barlamaanka Federaalka Soomaaliya ayaa Cod u qaaday xiliga Codka Kalsoonida loo qaadayo golaha wasirirada Xukuumadda cusub ee Ra’iisul wasaare Cumar Cabdirashiid.

Kaddib markii uu guddoonka Barlamaanka soo gaaray qoraal ku aaddan codsi ka yimid Ra’iisul wasaaraha Somalia oo ah in Barlamaanka Somalia ay ogollaadaan in 22-ka Bishan golaha wasiirrada la horkeeno oo dib loo dhiyo waqtiga 17-ka bishan ee lagu ballansanaa.

Related posts

Markabkii qodista Ceelka Shidaalka Curadka oo ka soo shiracday Turkiye.

February 16, 2026

𝐒𝐡𝐢𝐫 𝐥𝐨𝐨𝐠𝐚 𝐡𝐚𝐝𝐥𝐚𝐲𝐚𝐲 𝐪𝐨𝐫𝐬𝐡𝐚𝐡𝐚 𝐝𝐡𝐢𝐬𝐦𝐚𝐡𝐚 𝐰𝐚𝐝𝐨𝐨𝐲𝐢𝐧𝐤𝐚 𝐢𝐲𝐨 𝐧𝐢𝐝𝐚𝐚𝐦𝐤𝐚 𝐛𝐮𝐥𝐚𝐚𝐜𝐚𝐝𝐚𝐡𝐚 (𝐃𝐫𝐚𝐢𝐧𝐚𝐠𝐞 𝐬𝐲𝐬𝐭𝐞𝐦) 𝐞𝐞 𝐆𝐚𝐫𝐨𝐨𝐧𝐤𝐚 Aadan Cadde oo la qabtay.

February 16, 2026

Guddoonka Barlamaanka Somalia ayaa cod geliyey kaddib markii mudaneyaasha ay ku kala aragti duwnaadeen codsiga Ra’iisul wasaaraha, iyadoo codeyntna natiijada ka soo baxdeyna uu Akhriyey guddoonka Barlamaanka Maxamed Sheekh Cismaan “jawaar”.

“Codeyntii ay xildhibaannada Barlamaanka Federaalka Somalia u qaadeen codsigii Ra’iisul wasaaraha ee ahaa in dib loogu dhigo waqtiga oo golahiisa wasiirrada keenayo oo ku aadaneyd sabtiga soo socda, waxa ay u dhacdey sidan oo waxaa, waxaa madasha kulanka golaha ee guud soo xaadiray 178, mudane, waxaa ogollaatay codsiga 57, Mudane waxaa diidday 120, Xildhibaan, waxaa ka aamusay hal mudane, sidaa daraadeed Barlamaanka Somalia waxa uu ogollaadey in Sabtiga golaha wasiirrada la horkeeno Barlamaanka Somalia, ayuu yiri Afhayeenka Barlamaanka Somalia.