Barnaamijkaan oo loogu magac daray Open Street “Waddo furan ayaa lagu qabtay xaafadda Soomaalidu ku badan tahay Bellville ee magaalada Cape town, waxaana so qaban qaabiyay Hey’adda Lagu magacaabo Greater Tygerberg Partnership “GTP” Iyo waliba dowladda hoose ee magaalada Cape town.
Ujeedada loo qatay barnaamijkaan ayaa ahayd in la muujiyo isku furnaanta dadka wada daga magaalada Cape town ee ka kala yimid dunida dacalladeeda iyo waliba in la helo goob ay ku wada qaadan karaan waqti la isuguna iman karo ayada oo aysan jirin dhibaato dhinaca jinsiga oo lagu kala xeran yahay ama lagu kala duwan yahay, waxaana barnaamijkaan laga soo min guuriyay wadanka Colombia.
Waxaa La xeray qaar ka mid ah waddooyinka soo gala xaafada ganacsiga Soomaalida, waxaana soo buux dhaafiyay boqollaal dadweyne oo ka kala yimid xaafadaha magaalada Cape town, kuwaa oo qaar walba ay kaga qeyb qaadanayeen waxyaabaha ay hayaan haddey noqan laheyd hiddo iyo dhaqanka, caayaraha kubadda cagta, kubadda kolayga, musica iyo heesaha, wadidda baaskiilada ,orodka iyo waliba cayaaro kale oo ay aad u jecleysteen bulshooyinka kala duwan oo isugu soo baxay Damaashaadkaan ayada oo guud ahaan cayaarahaas ay qeyb ka ahaayeen soomaalida.
Cabdinaasir Cali Caraale oo ka mid ah dadka u dhaqdhaqaaqa soomaalida isla markaana qaban qaabada qeyb ka ahaa ayaa warbaahinta u sharaxaya sida uu yahay barnaamijkaan iyo waliba fursada ugu jirta soomaalida.
“Waxaa lasoo bilaabay labo bil kahor waxaana lagu qabtay meelo kala duwan oo magaaladaan ka mid ah anagana waxaa ay noo aheyd fursad hadaan nahay soomaalida halkaan dagan waxaa ay aheyd in ganacsatada ay soo bandhigeen waxyaabaha ay iibiyaan sida cunooyinka iyo waxyaabaha la midka ah”
Cabdilaahi Cali Xasan waxaa uu ka mid yahay ganacsatada Soomaalida waxaa sido kale uu qeyb ka ahaa barnaamijkaan suura galintiiisa waxaa uu warbaahinta qaranka u sharaxayaa faa’iidada soomaalida ugu jirta Barnaamijkaan.
“Soomaalida waxaa ugu jira waxaa ka mid ah in dad kala duwan oo hore aan u arag magaaladaan ay arkayaan in soomaalida ay yihiin dad ganacsiga ku fiican shaqo abuur leh qeyb ka ah horumarka ganacsiga waxaa sido kale qeyb ka ah is dhaxgalka bulshada”
waxaa la filayaa in barnaamijkaan uu wax wey ka badalo isfahanka bulshooyinka wada nool ee ka kala yimid dunida dacaladeeda iyo kuwa u dhashay koofur africa ayada oo hey’adaha soo qaban qaabiyayna ay sheegeen in ay si wada doonaan.
C/laahi Maxamuud Amiin”C/laahi Qorshe” Cape Town South africa
