Barnaamijka kulanka todobaadka ee ka baxa Radio Muqdisho iyo Telefishinka Qaranka ayaa lagu falanqeeyay shirkadaha Ceymiska Islaamiga ah iyo wax tarkooda.
Barnaamijka ayaa waxaa marti ku ahaa taliyaha ciidanka nabadgelyada waddooyinka Gen. Cali Xirsi Barre “Cali gaab” guddoomiyaha shirkadda Ceymiska ‘Takaful” Maxamed Cabdi Maxamed, iyo Prof. Maxamed Macalin Cumar Meyre oo si gaara ugu taqasusay hanaanka ceymiska Islaamiga ah Ahna bare ka tirsan Jaamacadda Jobkey.
Intii uu socday barnaamijka ayaa si qoto dheer loogu falanqeeyay faa’iidooyinka ay dadka u leeyihiin shirkadaha ka shaqeeya Ceymiska, caqabadah aka hor imaankara, iyo kaalinta ay ka qaadan karaan horumarka dalka.
