Barnamijka kulanka todobaadka oo maalin walbaa oo Jimco ah aad kala socotaan warbaahinta Dowladda, gaar ahaan Telefishinka Qaranka iyo Radio Muqdisho ayaa todobaadkan waxaa looga hadlay baaqii Wasaaradda awqaafta iyo Diinta ay soo saartay oo ahaa in la soomo afar cisho oo ay ka bilaabaneysay maanta oo Jimco ah, lana qabto isu soo bax roob doon ah, waxaanma marti ku ahaa Wasiirka awqaafta iyo Diinta ee Xukuumadda Soomaaliya Cabduqaadir Cali Ibraahim Baqdaadi iyo Agaasimaha Waaxda Diinta ee Wasaaradda Awqaafta Sheekh Cali Maxamuud Sheekh Cali dheere
Agaasimaha Waaxda Diinta Sheekh Cali Maxamuud Dheeri ayaa sheegay in soonka afarta maalin uu yahay sidii Alle looga baryi lahaa in bulshada uu dhibta ka dulqaado.
Wasiirka awqaafta iyo Diinta ee Xukuumadda Soomaaliya Cabduqaadir Cali Ibraahim Baqdaadi ayaa tilmaamay in baaqoodu uu ahaa in Ummadda ay Alle u laabtaan, si dhibta heysato uu Alle uga dulqado, isagoo ugu baaqay maamulada ka jira dalka iyo culimaa’udiinka inay u istaagan sidii Alle bariga looga qeyb qaadan lahaa oo isniinta soo socoto la oogo saalad roob doon ah meelkasta oo dalka ka mid ah.
BAR KULANKA JIMCAHA -01-04-2016 ok
