Barnaamijka kulanka todobaadka ee ka baxa Radio Muqdisho iyo Telefishinka Qaranka ayaa Maanta looga hadlay Mooshinka xildhibaanno ka tirsan Baarlamaanka Soomaaliya ay ka keeneen Madaxweynaha Dalka Mudane Xasan Sheekh Maxamuud.
Barnaamijka ayaa waxaa marti ku ahaa oo ka qeybgalay Xildhibaan C/llaahi Goodax Barre Oo ka mid ah Xildhibaannada Mooshinka ka keenay madaxweynaha oo eedeymaha u jeediyay oo ka hadlay qodobada ay u cuskadeen mooshinka, Xildhibaanad Khadiijo Maxamed Diiriye oo iyana ka soo horjeeday mooshinka kuna sifeysay in xiligan muhiim uusan u eheyn dadka iyo dalka, iyo Ustaad Yuusuf Xasan oo khabiir Saxaafadeed ahna Tifaftiraha Wargeyska Xaqiiqa Times oo isna si qoto dheer kaga hadlay dib u dhaca mooshinkan uu keeni karo iyo marxaladooyinkii dalka uu soo maray iyo khilaafyadii siyaasadeed.
Xubnahani ka qeyb galayay barnaamijka ayaa aragtidooda la wadaagay qaar ka mid ah dhageystayaasha barnaamijka oo su’aalo soo weydiiyay intii uu socday barnaamijka.
Halkani Ka Dhageyso Barnaamijka Oo Dhameystiran
