Barnaamijka kulanka todobaadka ee ka baxa Radio Muqdisho iyo Telefishinka Qaranka ayaa lagu falanqeeyay mowduuc ku saabsan Waxqabadka Baarlamaanka Federaalka Soomaaliya oo Seddex sano jirsaday laga soo bilaabo 20kii August 2012.
Barnaamijka waxaa marti ku ahaa Guddoomiye ku xigaanka Labaad ee Baarlamaanka Mudane Mahad Cabdalla Cawad oo umadda Soomaaliyeed u faah faahiyay howsha baaxada leh ee Baarlamaanka ee dadka iyo dalka uu u hayo, waxaana intii uu socday uu kaga jawaabay su’aallo dhageystayaasha ay soo weydiiyeen iyo aragtiyo la xiriirta mowduucii maanta.
