Wararka naga soo gaaraya magaalada Baydhabo ee xarunta gobolka Baay ayaa sheegaya in halkaasi maanta lagu soo geba gebeeyay shir looga hadlaayay arrimaha hiigsiga cusub ee loo yaqaano New deal kaas oo maalintii shalay ka furmay magaalada Baydhabo.
Shirka ayaa waxaa shalay Baydhabo ka furey Madaxweynaha maamulka Koonfur galeed Soomaaliya Mudane Shariif Xasan Sheekh Aadan waxaana ka qeybgalay Wasiiro ka tirsan maamulka Koonfur galbeed, Siyaasiyiin iyo xubno ka socda ururada bulshada rayidka ah.
Related posts
Xubno ka socday maamul goboleedyada dalka ayaa sidoo kale ka qeybgalay shirkan maanta magaalada Baydhabo lagu soo gunaanaday.
Wasiirka Warfaafinta maamulka Koonfur galbeed Mudane Xasan Maxamed oo kamid ahaa Wasiiradii shirkan ka qeybgalay ayaa sheegay in shirkan u jeedadiisu aheyd sidii maamulka Koonfur galbeed uu qeyb ugu qaadan lahaa hirgelinta Barnaamijka Hiigsiga cusub iyo sidii loo fahamsiin lahaa dadka ku nool maamulka Koonfur galbeed Soomaaliya.
Wasiirka Qorsheynta iyo Iskaashiga caalamiga ah ee Xukuumadda Soomaaliya Mudane C/raxmaan Yuusuf Cali Ceynte oo shirkan maanta soo xirey ayaa saxaafadda u sheegay in shirkan uu ahaa mid muhiim u ah bulshada ku dhaqan deegaanada maamulka Koonfur galbeed Soomaaliya isla markaana wax badan ku soo kordhin doono hirgelinta Barnaamijka Hiigsiga cusub (NEW DEAL) kaas oo dowladda Soomaaliya ay la gashay wadamada iyo hayโadaha daneeya arrimaha Soomaaliya.
Waa markii ugu horeysay oo shir looga hadlaayo Hiigsiga cusub lagu qabto magaalada Baydhabo tan iyo markii la yegleelay maamulka Koonfur galbeed Soomaaliya.
