Shirka dib u heshiisiinta Beelaha Wada dega gobolada Mudug iyo Galgadduud oo ka socoda magaalada Dhuusa Mareeb ee xarunta gobolka Galgaduud ee bartamaha Soomaaliya ayaa waxaa maanta lagu soo bandhigay heshiis ay wada gaareen labo Beelood oo kamid ah Beelaha halkaas ku shirsan.
Labadan Beelood ayaa la sheegay in hurguf u dhexeysay in muddo ah isla markaana ay sheegeen in heshiis rasmi ah ay wada gaareen waxaana Beelaha kale ugu baaqeen in ay wada heshiiyaan isla markaana ka qeyb qaataan dhismaha maamul goboleedka Mudug iyo Galgaduud.
Related posts
Wariyaha Warbaahinta Qaranka Maxamed Deeq Cabdi Maxamed oo Dhuus Mareeb ku sugan ayaa waxaa uu soo sheegayaa in Beelaha maanta heshiiskooda soo bandhigay ay sidoo kale halkaasi ku talaaleen geed loogu magac daray geedka Nabadda.
10-ka bishan Fibraayo ayaa Madaxweynaha Soomaaliya Mudane Xasan Sheekh Maxamuud waxaa uu magaalada Dhuusa Mareeb ka furey shirka dib u heshiisiinta Beelaha gobolada Mudug iyo Galgaduud kaas oo hadda si hab sami leh ugu socodo halkaasi.
