Shirka dib u heshiisiinta gobolada mudug iyo galgaduud oo weli ka socda magaalada dhuusa mareeb ayaa maanta heshiisyo waxaa ku gaaray magaaladaasi ilaa sedex beelood oo wada dega goboladasi.
Shirka dib u heshiisiinta Beelaha wada dega gobolada Mudug iyo Galgaduud oo waayihii u dambeeyay ka soconayay magaalada Dhuusa Mareeb ee xarunta gobolka Galgaduud ayaa maanta waxaa heshiisyo ku dhexmaray Beela ka mid ah Beelaha ku nool gobolada dhexe ee dalkeena Soomaaliya.
Related posts
Heshiiskani ay maanta wada gaareen Beelahaasi ka mid ah Beelaha ka qeybgalaya shirka dib u heshiisiinta ee Dhuusa Mareeb ka soconaya ayaa waxaa uu qeyb ka noqonayaa heshiisyo ay kala saxiixdeen beelaha daga gobolka Mudug iyo Galgaduud.
waxgaradka Beelaha heshiiska wada gaaray ayaa muujiyay sida ay ugu faraxsanyihiin heshiiskii maanta iyagoo isku afgartay in laga qeyb qaato dadaalada lagu dhisayo maamul ay yeeshaan gobolada Mudug iyo Galgaduud islamarkaana ay is cafiyaan.
Dowladda Soomaaliya ayaa dadaal ugu jirta sidii maamul loo dhanyahay loogu sameyn lahaa bulshada ku nool gobolada Mudug iyo Galgaduud, waxaana heshiisyada beelaha dagan goboladaasi dhexmaraya uu qeyb ka yahay dadaaladaasi oo horseedeysa in maamul tayo leh loo dhiso gobolada Dhexe
