Munaasabad lagu heshiisiinayay beelo walaalo ah oo hore u dagaalamay ayaa lagu qabtay Degaanka Gadoon oo hoos yimaada Degmada Dhuusamareb.
Gogosha nabadeed ayaa waxaa ka qeyb galay mas’uuliyiin ka tirsan maamulka Gal-mudug, Culima udiin, Wax-garad iyo dhammaanba Bulshada qeybeheeda kala duwan ee ku nool Deegaanka.
Madasha oo lagu kala qaatay diyadii dadkii horay loo dilay ayaa waxaa ka hadlay wax-garad iyo culimadii gogosha soo xaadiray, iyagoona soo dhoweeyey muwaafaqada laga gaaray colaaddii u dhaxeysay dadka ku dhaqan Deegaanka Gadoon.
Sidoo kale waxaa madasha ka hadlay Macallin C/raxmaan Geeda-qorow oo munaasabadda ka soo qeybgalay iyo Xildhibaan C/rashiid oo ka mid ah Mudanayaasha Baarlamaanka Gal-mudug, isagoo Xildhibaanku Bushada
heshiineysay u sheegay inay ka taageerayaan wixii wanaag ah iyo soo qabashada kuwa isku daya inay wax dilaan dadkana fidno ka dhex oogaan.
Ugu dambeyn waxaa qodobadii lagu heshiiyey war-baahinta u aqriyey Axmed Salaad Kulmiye kaddib markii Guddi loo saaray iyadoo lagu soo daray in magacii hore ee Deegaanka la badalo maadaama dhibaato lagu galay
loona bixiyo magac cusub oo ah Daaro-salaam.
