Tababarkan oo.socon doona muddo labo maalin ah ayaa maanta ka.furmay magaalada Baydhabo, waxana loo qabtey Beeraleyda Koonfur Galbeed Soomaaliya.
Siminaarka ayaa inta uu socdo waxa lagu bari doona sidii loo dhisi lahaa Iskaashatada Beeraleyda Koonfur Galbeed, sarena loogu qaadi lahaa aqoonta Beeraleyda iyo sidii loo furi lahaa Kanaalada biyaha ee baraaha lagu waraabiyo.
Furitaanka Tababarkan ayaa waxaa ka soo qeyb galay Wasiir ku-xigeenka Wasaaradda Beeraha iyo Waraabka Koonfur Galbeed Soomaaliya, Madaxa qeybta beraha Hay’adda FAO, Agaasimha Guud ee Wasaradda Beeraha iyo Waraabka Koonfur Galbeed iyo xubno ka socoda Dowladda Federaalka Soomaaliya.
Ugu horeen furitaanka tababarka waxaa ka hadley isku xiraha Wasaaradaha Beeraha Soomaaliya Maxamuud Yaasiin Cartan iyo Madaxa Qeybta Beerhaa Hay’adda FAO, kuwaasi oo si wada jir ah u tilmaamay ahmiyadda uu tababbarkan u leeyahay Beeralayda.
Wasiir Ku-xigeenka Wasaaradda Beeraha iyo Waraabka ee Dowlad Goboleedka Koonfur Galbeed Soomaaliya Mudane Xasan Siyaad Cali oo si rasmi ah u furay tababarka ayaa ka qeyb galayaasha kula dar daarmay inay si fiican uga faa’iideystaan fursadda ay heystaan, isagoo u mahaceliyay Hay’adda FAO yo Wasaradda Beeraha ee Dowladda Federaalka Soomaaliya sida ay mar waliba ugu dadaalayaan kor uqaadidda aqoonta Beeraleyda Koonfur Galbeed Soomaaliya.
