Ciidammada qalabka sida ee ku sugan magaalada Beled weyne ayaa ka hortagay isku dey weerar oo ay Al-Shabaab ku soo qaadeen bar ay ciidamadu ku lahaayeen duleedka magaalada.
Gaashaanle Dhexe Isaaq Cismaan Idiris oo ah abaanduulaha guutada shannaad ee ciidammada Xoogga dalka Soomaaliyeed oowareysi siiyay Radio Muqdisho ayaa sheegay in dhallinyaro kooxdaasi ay soo qaldeen ay ku dhaawacmeen dagaalka qaarna ay ku dhinteen, inkastoo uusan caddeyn tirada saxda ah.
“dad badan oo dhaawac ah ayaan ka heynaa (Al-Shabaab)….. Annagu ma dileyno dhallinyaradan sida ay sameeyaan oo kale ee waan daawaynaynaa waayo waa dhallinyaro Soomaaliyeed” ayuu yiri Korneyl Isaaq Cusmaan.
Wuxuu intaa ku daray in ciidamadu ay wadi doonaan howl gallada ay kooxda Al-Shabaab uga saarayaan gobolka Hiiraan oo ay goobo kooban uga dhuumaaleysanayaan, isla markaana ay dhawaan nabadeyn doonaan waddooyinka isku xira degmooyinka gobolka oo ay qaarkood dhibaato ka geystaan.
