Guddoomiyaha gobolka Hiiraan ayaa dhagax dhigay mashaariic dib u dhis oo lagu samaynayo xarumaha danta guud ee magaalada Beledweyne.
Mashruucaan oo ay fulinayso dowladda Norway ayaa lagu dhisi doonaa xarumaha maamulka iyo goobaha caafimaadka, in badan oo ka mid ah dhismeyaashaan waxay ku burbureen dagaalladdii dalka ka dhacay.
Guddoomiyaha gobolka Hiiraan Cabdifitaax Xasan Afrax ayaa dadka gobolka ugu baaqay inay ka faa’iideystaan mashruucaan isla markaana ay ka qeyb qaataan dib-u-dhiska dalka.
Dowladda Norway ayaa dhowr mashruuc oo kala duwan ka fulisay degaanno badan oo ka mid ah waddanka.
