Waxaa magaalada Beydhabo ee xarunta gobolka Bay lagu soo gaba gabeeyay shirka Madasha Wada Tashiga Qaran ee Geeddi Socodka Doorashooyinka Soomaaliya 2016 kaas oo ka furmay maalin ka hor, iyadoo uu furay shirkaasi Madaxweynaha Dowlad goboleedka Soomaaliyeed ee Koonfur galbeed ee Soomaaliya.
Kulankan ayaa waxaa sidoo kale ka qayb Xubno ka tirsan Dowladda dhexe ee Soomaaliya qeybaha kale duwan bulshada ku nool sedexda gobo lee maamulkaasi, iyo mas’uuliyiinta maamulka koonfur galbeed Soomaaliya.
Shirkani wada wada tashiga ee ka Beydhabo ayaa socday mudo laba maalmood ah waxaana looga tashanayay qaabka ugu sahlan ee doorasho uga ka dhici karto Soomaaliya 2016 nooca doorasho ay noqoneyso.
Inta shirka uu socday ayaa madasha shirka waxa fikradahooda ku soo bandhigay ergada shirka ka qeyb galeysay.
Shirkad markii uu soo gabagabeeyay kaddib ayaa waxaa Radio Muqdisho waxaa la hadlay Wasiiru dowlaha Madaxtooyada Maamulka Koonfur galbeed Soomaaliya mudane Maxamed Mursal ayaa sheegay in shirka uu soo gaba gaboobay islamarkaana ka qeyb galayaasha ay muujiyeen fikradahooda ku aadan arrintani la xiriirta ka fakarka masiirka umadda Soomaaliyeed, waxaana uu sheegay in shirka sidoo kale ay ka qeyb gashay Wasiirka haweenka iyo xuquuqul insaanka Xukuumadda Federaalka Soomaaliya marwo Sahro Cali Samatar.
