Golaha Baarlamaanka Koofur-Galbeed ayaa maanta lagu dhaariyay magaallada Beydhabo ee xarunta gobolka Baay, ayadoo ay munaasabadda dhaarinta ka qeyb galeen masuuliyiin ka tirsan wasaaradda arrimaha gudaha Soomaaliya iyo madaxweynaha Koofur-Galbeed.
Xildhibaano gaaraya 89 mudane ayaa la dhaariyay maanta, Waxaa wali dhimman xildhibaano kale oo dib laga dhaarin doono, Dastuurka Koofur wuxuu qorayaa in tirada xildhibaannada maamulku ay noqonayaan 95 mudane.
Odayaasha dhaqanka ee gobollada Baay, Bakool iyo Shabeellaha Hoose ayaa soo gudbiyay liiska xildhibaannadan maanta la dhaariyay.
Wixii warar ah ee ku soo kordha waan idiin soo gudbin doonnaa hadduu Alle idmo.
