Madaxweynaha Mareykanka, Joe Biden, ayaa maanta oo Talaada ah sheegay in hanjabaada dhigiisa Ruushka Vladimir Putin ee ah in uu isticmaalayo hubka Nukliyeerka ah ay tahay mid dhab ah, maalmo un kadib markii uu cambaareeyay hubkan uu Ruushka geeyay qeybo kamid ah Belarus.
Biden, ayaa Laba maalmood ka hor mas’uuliyad darro ku tilmaamay tallaabadii uu madaxweyne Putin, hubkiisii ugu horreeyay ku geeyay Belarus.
Madaxweynaha Belarusia Alexander Lukashenko, ayaa todobaadkii hore sheegay in dalkiisu uu soo gaaray qaar ka mid ah hubka halista ah ee Ruushka, kaasi oo uu sheegay inuu saddex jeer ka awood badan yahay Bambaanooyinkii Nukliyeerka ee uu Maraykanka ku garaacay Hiroshima iyo Nagasaki.
Waa Markii ugu horeysay ee uu Ruushka meel ka baxsan xudduudihiisa u raro hubkiisa Nukliyeerka, tan iyo burburkii Midowgii Soofiyeeti.
