Maamulka shirkadda Isgaarsiinta Hormuud ee degmada Caabudwaaq ee Gobalka Galgaduud ayaa biyo dhaamin u sameeyay qoysaska uu saameeyay abaarta ka jirta qaar ka mid ah deegaannada Gobolka Galgaduud.
Faarax Axmed Cali Guddoomiyaha Shirkadda Isgaarsinta Hormuud oo Radio Muqdisho u waramay ayaa sheegey in 23ka Janaayo ee sanadkan ay ka bilaabeen biyo dhaamintan deegaannada Gobolka ayna sii wadi doonaan, maadaama abaartu ay saameyn ba’an ku yeelaay qoysas badan oo reer guuraa ah iyo kuwa xoola dhaqatada ee ku nool deegaannada miyiga ee Degmada Caabudwaaq.
“Waxaan biyo dhimaaninta gaarsiiney ilaa iyo kun qoys oo ku nool deegaannada hoosyimaada Degmooyinka Caabudwaaq iyo Balanbale ee gobolka Galgaduud, waxaana naga go’an inaan sii joogteeno inti aan awoodno”. Ayuu yiri Faarax Axmed.
