Jaaliyadda Soomaaliyeed ee dalka Koonfur Afrika iyo Booliska xukumadda Koonfur Afrika ayaa si wadajir ah uga hadlay marxaladihii ugu dambeeyay ee Soomaalida ku dhaqan Koonfur Afrika.
Shir jaraa’id oo ay si wadajir ah u qabteen taliye ku xigeenka saldhigga Booliska Bellville ee magaalada Cape Town Kabtan Nimba iyo gudoomiyaha Jaaliyadda Soomaaliyeed ee SAVE SOMALI COMMUNITY Yuusuf Cumar ayaa waxa ay uga hadleen arrimaha amaanka,dambiyada ka dhexdhaca Soomaalida oo saameysay Booliska iyo sidii loo caawin lahaa dhalinyarada Soomaaliyeed ee dhibaatooyinka ka soo gaareen tuulooyinka isla markaana noqoday kuwo shaqo la’aan ah.
Taliye ku xigeenka saldhiga Booliska Bellville ee magaalada Cape Town Kabtan Nimba ayaa sheegtay inay culeyska saareen in aanan si qaldan looga tarjumin Soomaalida, iyadoona ka codsatay Soomaalida inay markasta xiriir la soo sameeyaan Booliska si ay isaga kaashadaan arrimaha amaanka islamarkaana wax uga qabtaan yareynta dhibaatooyinka lagu hayo Soomaalida Koonfur Afrika.
