Ciidanka Booliska Fadaraalka Soomaaliyeed ee ka howl gala Gobalka Mudug ee dowlad gobaleedka Galmudug ayaa ku guuleeysatay in ay gacanta kusoo dhigaan shan nin oo dhallinyara ah kuwaasi oo ku eedeeysan fal isugu jira kufsi iyo jirdil ay sheegeen saraakiisha ciidanka booliska Galmudug in ay kula kaceen gabar Soomaaliyeed.
Taliyaha Qeybta Booliiska Gobalka Mudug ee Dowlad Gobaleedka Soomaaliyeed ee Galmudug G/sare Maxamed Nuur Cali Gadaar ayaana Warbaahinta Qaranka uga waramay sida ay wax u dhaceen iyo dhibaatada shantaan ruux eedeeysanayaashaa ay u geysteen waxaana uu yiri G/sare Gadaar
“Taariikhdu markeey aheeyd 27/4/2017 waxaa na soo gaaray fal danbiyeed dhacay oo ahaa kufsi loo geeystay gabar yar oo aad u da’yar da’deeduna ay udhaxeeyso 15—16 sano jir, ayna faraxumeeyeen danbiilayaal ka kooban shan ruux oo u geystay kufsi iyo jirdil markeey intaas nasoo gaartay, isla markaana aan dabagal dheer ku sameeynay waxaa ciidanka dagmada galkacyo ay ku guuleeysteen in ay gacanta kusoo dhigaan shantii ruux oo ku kala eedeysan afar kufsiga iyo jirdilka u geystay iyo kii guriga falka lagu geystay iska lahaa ninka guriga iska lahaa magaciisu waa Maxamed Cali Cabdile 27 sano jir ah falka kufsigaa waxaa geystay Maxamed Cali Cilmi 17 sano jir ah Cabdirisaaq Iidle Maxamed 19 sano jir ah, Maxamed Raage Ducaale 20 jir ah iyo Deeq Maxamed Axmed 20 jir ah” ayuu yiri taliyaha qeybta booliska.
Taliyaha qeybta ayaa sidoo kale sheegay in sida ugu dhaqsiyaha badan maxkamad loo horgeyn doono, isagoo dhanka kalana digniin u jeediyay Odayaal
dhaqameedka doonaya in arintaan ay ka sama falaan isla markaana gabar yar oo Soomaaliyeed ay xaqqeeda duudsiiyaan waxaa sidoo kale G/sare
Sare Maxamed Nuur Cali ayaa ugu baaqay ehelada eedeysanayaasha in ka warsugaan go’aanka Maxakamada
Maahan markii u horeeysay oo ay ciidamada amaanka Galmudug Gacanta kusoo dhigaan dad geystay falal danbiyoodyo lid ku ah Ammaanka waxaana
haatan ku xiran xabsiga iyo saldhiga magaalada Galkacyo ku dhawaad 30 ruux oo isugu jira danbiilayaal xukuman iyo eedeeysanayaal maxkamad
sugayaal ah sida ay warbaahinta qaranka u xaqiiyiyeen saraakiisha ciidanka booliiska Fadaraalka soomaaliyeed ee ka howl gala Galmudug
W/D= Wariye C/risaaq Maxamed Axmed (Galkacyo)
