Ciidanka Booliska Gobolka Banaadir ayaa baaritaan ku haya qaraxyo dheemish ah oo caawa laga maqlay degmooyin dhawr ah oo gobolka Banaadir ka tirsan.
Afhayeenka ciidanka Booliska Gaashaanle Sadiiq Aadan Cali ayaa warbaahinta u sheegay in abaare 8;20pm waqtiga Muqdisho ay maleeshiyada Argagixisada ah ee Al-Shabaab ay si dhuumaalaysi ah ku tuureen ilaa 4-qarax oo ka samaysan baaruud dheemish ah oo aan gaysan wax qasaare ah.
Waxa uu sheegay inay baaritaan ku hayaan kooxda abuurtay cabsi gelinta, islamarkaana Boolisku ay qaadayaan tallaabooyin amniga lagu xoojinayo.
Degmada Boondheere ayey ku soo dhaceen qaraxyadaasi Dheemishka, waxaana Boolisku saxaafadda ugu yeeray inay tusiyaan cadaymaha muujinaya in qaraxyadu ahaayeen kuwa aan rasmi ahayn.
