Taliska Booliska Soomaaliyeed ayaa sheegay in ay gacanta ku soo dhigeen askari boolis ah oo maanta darawal mooto Bajaaj ku dilay qof kalena ku dhaawaacay Tarabuunka magaalada Muqdisho.
Taliye ku xigeenka Booliska Soomaaliya Gen Zakia Xuseen ayaa qoraal ay soo dhigtay barteeda twitter-ka ku sheegtay in askariga dilka geystay gacanta lagu soo dhigay lana marsiin doono sharciga.
Taliyaha ayaa intaas ku dartay in aan marnaba la aqbali doonin ciidammadu ay waxyeello u geystaan dadka shacabka ah.
Wargelin; Ciidanka Booliska ayaa soo xiray askari boolis ah oo maanta darawal mooto Bajaaj ku dilay qof kalena ku dhaawacay Tarabuunka, waxaana la marsiinaa sharciga. Marnaba ogaal meyno in askarteena dhib u geystaan shacabka. #Mogadishu #Somalia
— Brig Gen Zakia Hussen (@ZakiaHussen) May 8, 2019
