Kooxo hubeysan ayaa rasaas ku furay laba fadhiisin oo ay ciidammada ammaanka Puntland ku lahaayeen magaalada Boosaaso ee xarunta gobolka Bari.
Inta la ogtahay hal qof ayaa ku dhintay rasaasta ay is-dhaafsadeen ciidammada ammaanka iyo kooxihii soo weeraray, sidoo kale qof ayaa ku dhaawacmay sida ay ku warramayaan dadka deegaanku.
Wariye Axmednaasir oo Radio Muqdisho uga soo warrama Boosaaso ayaa sheegaya in ciidammadu ay xalay ilaa saakay ay howl-gallo ka wadeen xaafadaha magaalada, ayadoo kooxihii weerarka soo qaaday ay ka carareen goobta.
Saraakiisha ammaanku wali ka aysan hadlin arrintaan.
