Boqol qof oo ku dhaqan Degmada Waabari ayaa daweyn xaga indhaha loogu sameeyay degmadaasi, iyadoo ay iska kaashadeen maamulka Degmada Waabari iyo hay’ada maxali ah.
Dadkan ayaa waxa ay isugu jireen dad da’a ah, dhallinyaro iyo Carruur waxaana laga soo xulay afarta waaxood ee ay ka kooban tahay Degmada Waabari, waxayna heleen visito, iyo dawo, iyadoo cidii qaliin loo gartana loo dirayay qaar ka mid ah isbitaalada Muqdisho ku yaala, waxaana howshaasi oo dhana ay ahayd mid lacag la’aan ah, maadaama dadkan ay ahaayeen dad danyar ah oo aan awoodin lacagaha isbitaalada gaarka loo leeyahay lagu sameeyo qaliinada Indhaha.
Guddoomiyaha Degmada Waabari -Rowdo Cabdullahi ayaa warbaahinta Qaranka u sheegtay howsha loo qabtay dadka degan degmada Waabari inay ahayd mid si mutu dawacnimo loogu sameeyay, waxayna dhinaca kale u mahadcelisay howlwadeenadii ka qeyb qaatay fulinta daweynta dadka danyarta ah.
“Aaad ayaan ugu mahadcelinaya Hay’addan daweynta u samaysay dadkan saboolka ah, dadkana waa dad dhinaca araga aad uga liita oo aan awoodin in ay iska bixiyaan lacago” ayay tiri Guddoomiyaha Degmada Waaberi.
Guddoomiyaha degmada Waaberi ayaa dhinaca kale dadka waxbartay ugu baaqday in maalmaha ay ka nasanayaan howl maalmeedkooda uga faa’iideyaan shacabkooda hadii ay ahaan lahayd dhinacyada caafimaadka, waxbarashada iyo adeegyada kale ee lagama maarmaanka u ah nolasha beni’aadamka.
