Amar ka soo baxay Boqorka Sucuudiga Salmaan Bin Cabdal Casiis ayaa xilkii ka qaaday wasiirkii ciidamada Ilaalada Qaranka, wasiirkii dhaqaalaha iyo mas’uuliyiin kale.
Dhammaan hay’adaha Qaranka ayaa la hoos keenay dhaxal sugaha Sucuudiga oo ah wiilka uu dhalay Boqor Salamaan.
Related posts
Maxamed Bin Salmaan ayaa sidoo kale madax looga dhigay hay’adda la dagaalanka musuq maasuqa, taas oo durba soo xirtay ilaa 10-Amiir oo ay ku jiraan wasiiro hore iyo 4-wasiir oo xilka haya.
Caadil Al Faqiih wasiirkii dhaqaalaha iyo Mutcib Ibnu Cabdalla oo uu dhalay boqorkii hore ayaa ka mid ahaa dadka bqortooyada awoodda badan ku laaha, balse talaabadan isbadalka deg degga ah ayaa loo arkaa mid awoodda dhaxal sugaha sare loogu qaadayo.
Dhinaca kalena Milatariga Sucuudiga ayaa soo riday gantaal ay kooxda Xuuthiyiintu doonayeen inay gaarsiiyaan garoonka diyaaradaha magaalada Riyad ee caasimadda Sucuudiga.
Sida ay ku warantay warbaahinta Sucuudiga dhawr gantaal oo dhinaca Yeman laga soo riday ayaa lagu qabtay hawada Sucuudiga, inkastoo Xuuthiyiintu ay sheegeen in bartilmaameedkii ay lahaayeen ay gantaaladaasi gaareen.
Sucuudiga ayaa lugta la galay dagaalka ka socda Yeman, isagoo hogaamiya Isbahaysi ay dhawr dal oo Carbeed ay ku taageerayaan dawladda Yeman.
