Deegaanka Galinsoor oo ka mida deegaanada ku yaala xadka kala qeybiya
gobalada Mudug iyo Galguduud ayaa bulshada ku nool waxaa soo
foodsaaray dhibaatooyin la xariira adeegyada Aas-aaska u ah nolasha iyo
horumarka bulshada sida ay Warbaahinta qaranka ugu warameen xilli
Galinsoor uu booqday Gudoomiyaha cusub ee Gobalka Mudug oo isagu
kormeero xaqiiqo raadin ah ku mari doona deegaanada ku yaala dhanka
galbeed ee gobalka Mudug qaar ka mida Waxgaradka iyo masuuliyiinta
maamulka deegaankaasi kuwaasi oo sheegay in hay’adaha iyo maamulada
labada gobal ay isku haleeyeen taasina ay sababtay in bulshada
deegaankaasi iyo deegaanada hoostaga ay wehel u noqdaan caafimaad
la´aan waxbarasho la´aan iyo hoos u dhac aad u weyn.
Gudoomiyaha Gobalka Mudug C/raxmaan Cali Diiriye ayaa sheegay in
maamulada labada Gobal ee Mudug iyo Galguduud ay ka wada shaqeyn
doonaan xalinta dhibaatooyinka ka jira Galinsoor.
Dhinaca kalana Gudoomiyaha gobalka Mudug ayaa kala qeyb qaatay
bulshada iyo maamulka deegaankaasi dhagax dhiga xarun caafimaad
Garoonka Cayaaraha isagoo sidoo kormeeray dhismaha xarunta maamulka
deegaankaasi oo si isku tashi ah ay ku dhisanayaan bulshada Galinsoor
iyagoona mashaariicda lagu dhisayo isku tashiga ay ugu magac dareen.
Gudoomiayaha Gobalka mudug Mudug C/raxmaan Cali Diiriye ayaa
sidoo kale la filayaa in maalmaha soo socda uu kormeero ku aadan ka
war doonista baahiyada ka jira deegaanada Gobalka Mudug uu ku tago
qaar ka mida deegaanada ku yaala Galbeedka Gobalka mudug kuwaas oo
mudooyinkii u danbeeyay laga soo sheegayay dhibaatooyin la xariira
dhanka amniga baahiyada adeegyada asaaska u ah nolasha aadanaha.
W/Q Wariye C/risaaq Maxamed Axmed Galkacyo
