Kulankan oo maanta lagu qabtay magaalada Dhuusamareb ayna ay isugu yimaadeen qaybaha bulshada ee ka kala yimid Degmooyinka iyo Deegaanada Gobolka Galgaduud aaya waxay ku codsanayeen in dib loogu soo celiyo Adeegyo Caafimaad oo ay horay u heli jireen balse bilihii la soo dhaafay uu hakad ku yimid kaddib markii sida la sheegay la hakiyey dhaqaalihii lagu bixin jiray kaa soo ka imaanayey Qaramada Midoobay.
Qaar ka mid ah bulshada oo isaga kala yimid meelaha hada ay ka jirto baahida caafimaad ayaa waxa ay codsanayaan in dib loogu soo celiyo Adeegyadii ay horay u heli jireen, waxaana xusid mudan in deegaanno dhowr ah ay xirmeen xarumihii Caafimaad ee Dadku Adeegyada ka qaadan jireen waaana meelahaas ka mid ah Gadoon, Xanan-buure, Miir-jiicleey, Huurshe, Xeraale, Ceel-dheere, Laanle, Cali-xasan, Faragooy, Beer-cabdi-faarax iyo Higlaale kuwaasoo kawada tirsan Gobolka Galgaduud.
Axmed Salaad Kulmiye oo ka tirsan Shaqaalaha Hayโadda SWISSO ayaa waxa uu ka warbixinayay shaqaalihii shaqaynayey iyo sida hada dadka Gobolku ugu baahan yihiin Adeegyo Caafimaad.
Ugu Dambayn Guddoomiyaha Degmada Dhuusamareb Macallin Nuur Cilmi Cabdulle ayaa waxa uu codsaday in Dadka loo soo fasaxo adeegyadii Caafimaad ee horay ay u heli jireen, maadaama baahidii wali loo qabo.
Hakadka ku imid bixinta Adeegyadii Caafimaad ayaa si wayn looga dareemayaa Gobolka Galgaduud waxaana Baahidaasi saamasay Bulshada oo ay ugu hureeyaan Haweenka iyo Caruurta.
By: Maxamed Cabdi
