Bulshada ku dhaqan magaalada Dhuusa Mareeeb Ee Xarunta Gobolka galgaduud ayaa waxaa ay si diiran u soo dhaweeyeen booqashadii uu Madaxweynaha Jmahuuriyadda federaalka ah ee Soomaaliya Md Xasan Sheikh Maxamuud uu ku tagay Gobolkaas iyo kulamada uu la qaadanayo waxgaradka gobolada Mudug iyo galgaduud.
Madaxweynaha Jamhuuriyadda ayaa xalay ilaa maanta waxaa uu ku jiraa kulamadii uu la qadanayay odayaasha dhaqanka iyo qaybaha bulshada iyagu ku howlan sameynta Maamul goboleedka Gobolada Mudug iyo Galgaduud waxaana uu madaxweynuhu kala hadlayaa dadkaas sidii nabad galyo uu ugu qabsoomi lahaa shirka maamul u sameynta goboladaas oo madaxweynuhu oo horay u sheegay in lagu qaban doono degmada Cadaado ee Gobolka galgaduud .
Related posts
qaar ka mid ah waxgaradka iyo haweenka Degmada Dhuusa mareeeb ee Xarunta Gobolka Galgaduud ayaa warbaahinta Qaranka waxaa ay la wadaageen hambalyada iyo bogaadinta tagitaanka Madaxweynaha Dalka gobolkaas iyo in uu saacado badan ku sugan yahay isagoo doonaya in dadka goboladaas ay isku raacaan sameysashada maamul ay u dhanyihiin waxaana ay madaxweynaha ugu baaqeen in booqashadiisa gobolkaas aysan noqon tii ugu dambeeysay.
Madaxweyne Xasan Sheikh Maxamuud ayaa Galinkii dambe ee shalay waxaa uu ka dagay garoonka diyaaradaha Magaalada Dhuusa mareeb halkaasi oo ay si diiran ugu soo dhaweeyeen qaybaha bulshada oo aan u kala harin iyadoo ay u tahay Madaxweynaha markiisii labaad ee uu tago galgaduud mudo labo bilood gudahood ah wararkii ugu dambeeeyay ayaana sheegaya in madaxweynaha iyo qaybaha bulshada ee uu la kulmay ay isku fahmeen waxyaabihii laga wada hadlay .
