Qaar ka mid ah bulshada ku nool magalaada Gaalkacyo ee Xarunta Gobolka Mudug ayaa soo dhaweeyay iskaashiga Amniga ,isdhaxgalka Ganacsiga iyo nabada kuwada noolaanshiyaha shacabka ku nool Gaalkacyo oo ay wada gaareen Maamulada Galmudug iyo Puntland iyagoo maanta la hadlay warbaahinta qaran.
Madaxweynaha Galmudug Axmed Cabdi Kaariye (qoor-Qoor) iyo Madaxaweynaha Puntland Saciid Cabdullaahi Deni ayaa labadii maalmood ee lasoo dhaafay magaalada Galkacyo ku yeeshay Kulamo ay uga hadlayeen wadaaga iyo iskaashiga Amniga,isdhaxgalka bulshada iyo in nabad ay kuwada noolaadaan magaalada Gaalkacyo ay soo martay marxalado adag.
Labada Madaxweyne iyo wafood ka tirsan Golayaasha wasiirada lamada dowlad goboleed ayaa is qaatay in xaalada magaalada Gaalkacyo waxbadan laga debelo si bulshada iyo magaalada ay hormar u garaan.
Sidoo kale waxyaabaha ay kawada hadleen labada maamul waxaa ka mid ahaa la dagaalanka Argagixisada oo ay qeyb-ka yihiin Ciidamada qalabka sida ee dowladda Dhexe iyo kuwa labada Maamul.
Guddoomiye ku Xigeenka Degmada Galkacyo ee Galmudug Cabdiraxmaan Maxamed Axmed Iyo Guddoomiyaha Culumaa’u diinka Galmudug Sheekh Muxudiin Yuusuf Barre ayaa sheegay in hishiisika labada Madaxweyne uu waxbadan ka bedeli doono xaalada Magaalada Gaalkacyo iyo bulshaduba.
