Xildhibaan Idiris Cabdi Dhaktar oo ah Xildhibaan ka tirsan Golaha Shacabka, isla markaana xubin ka ah Baarlamanka Afrikaย ayaa shir Jaraa’id oo uu maanta ku qabtay magaalada Baydhabowaxa waxa uu kaga hadley xaaladaha beni’aadanimo ee xilligan ka jira deegaannada Koonfur Galbeed oo ay uga horeeyaan biyo la’aanta iyo barakacyaal hor leh oo soo gaaraya magaalada Baydhabo.
Xildhibaanka ayaa baaq u diray Jaaliyadaha Soomaaliyeed ee ku nool daafaha caalamka ee ka soojeeda Deegaanada Koonfur Galbeed in ay ka qeybqaataan gurmad biyo dhaamin ah oo dhawaan laga bilaabi doono Deegaanada KG.
Xildhibaan Idiris Cabdi Dhakhtar ayaa dhanka kale shaagey in uu Deeq waxbarasho oo Jamacadeed oo lacag la’aan ah uu keeney magaalada Baydhabo, taasi oo looga faa’iideyn doono ilaa 100 arday oo soo dhameysay Waxabarashada heerka Dugsiga sare.
Mudane Idiris Cabdi Dhakhtar ayaa sheegay in deeqdan waxabarasho ay ka timid Ra’iisul Wasaaraha Xukuumadda Soomaaliya mudane Xasan Cali Kheyre oo kafaalad qaaday in uu bixinayo lacagta Jaamacadda ee boqolka arday.
