Culimaa’udiin kulan ku yeeshay Muqdisho ayaa bulshada Soomaaliyeed ka codsaday in xuska dhalashada Nabigeenna oo ku beegan 20-ka bishan ay kala soo qeyb galaan, taasi oo lagu qaban doono Madxafka degmada Shibis.
Guddi loo xilsaaray qaban qaabada xuska dhalashada Nabigeenna Muxamad (NNKH) oo Warbaahinta kula hadlay Muqdisho ayaa sheegay in ay wadaan qaban qaabada xuska dhalashada Nabigeenna Muxamad (NNKH) oo ah xilliga uu dhashay, iyagoo ka codsaday in bulshada ay kala soo qeyb galeen xuskaasi oo ku beegan 12- Rabiicul Awal ee taariikhda Hijriyada, halka tan miilaadiga ah noqoneyso 20 ka bisha November ee sanadkan.
