Safaaradda Sudan ee Somalia ayaa ka furtay magaalada Muqdisho buugga diiwaangelinta Tacsidaย Madaxweynihii hore ee dalkaasi General C/raahman Mahamed Hassaan (Siwar Al Dahab) oo ku geeriyooday Isbitaal Mileteri oo ku yaal magaalada Riyad ee Caasimaada Boqortooyada Sacudi Carabiya oo in muddo ah halkaa lagu daweynayay.
1985-tii ilaa 1986-dii ayuu madaxweyne ka ahaa dalka Sudan, isagoo noqday madaxweynihii 5-aad ee soo mara dalkaasi Sudan.
Ergada Safaaradda Sudan ee Somaaliya ayaa soo saartaya bayaan oo ay ku wargrlinayso in buugaasi Tacsida marxuumka uu furan yahay maalmaha sabtida ,Axada iyo Isniinta oo ka bilaabmaysa manta oo Sabti ah saacadda 11 ka Subaxnimo ilaa 4 ta Galabnimo iyadoo buugga diwaangelinta Tacsida uu yaallo Xarunta safaarada ee Muqdisho.
Bayaankaa ay soo saartay Safaaradda Sudan ee Muqdisho ayaa lagu xusaay hawlihii uu marxuumku u soo qabtay dalkiisa,wuxuunaย Generalย ย C/raahman Mahamed Hassaan (Siwar Al Dahab) uuย sanadkii 1935 ku dhashay magaalada Umu Durmaan ,wuxuuna ka qalan jebiyay kuliyadda dagaalka ee Sudan Sanadkii 1955-tii
