Bulshada rayidka iyo shaqaalaha caafimaadka degmada Buuhoodle ayaa walaac ka muujiyay adeegyadii caafimaad oo ka hakaday degmada, ayagoo baaq u diray ay’adaha caafimaadka ka shaqeeya.
Kulan ay isugu yimaadeen ururka caafimaafka Buuhoodle iyo qeybaha bulshada ayay ku sheegeen in xarumaha caafimaadka hooyada iyo dhallaanka MCH aysan shaqayneynin, taas oo halis galin karta xaaladda caafimaad ee haweeka uurka leh.
Related posts
“Waxaa xiran dhammaan cafimaadki, Tallaalkii wuu istaagay, waxaan ku baaqeynaa inaan la siyaasadeynin cafimaadka iyo adeegga bulshadaba” ayuu yiri mid ka mid ah dadkii ka qeyb galay kulanka.
Yusuf Cabdillaahi Aadan, oo ka mid ah dadkii shirka ka hadlay ayaa tilmaamay in xaaladda caafikaad ee dadka ku nool Buuhoodle ay tahay mid liidata, maaddaama aysan helin adeeg iyo daawo caafimaad oo ay horay u heli jireen, wuxuu ugu baaqay hay’adaha samafalka iyo dowladdaba inay gargaar caaafimaad u fidiyaan dadka shacabka ah ee ku nool degmadaasi.
